Posts

Showing posts from July, 2023

10. Îgita rîega rîa kuromba

 1.  Îgita rîega rîa kuromba,  Rîrîa mbaragia na Mûrungu, Nîrîo ni mûneenkagîra,  Mobatu jakwa o jonthe; Rîonthe ndîna kwithikîîra,  Nîwe umbooragîria nkoro; Ngakandûrwa mathîîne-ne,  Ngetereera Mûmbonokia. 2.  Îgita rîega rîa kûromba,  tharimaga nkoro yakwa, Gwe Mûnene Mwene-Inya,  thikagiira ngikwerenca; Niwendaga nkwirîgîîre,  na kwendage ntuku cionthe, Ngûcîîka njare-ne ciaku,  ngweteerete Mûmbonokia. 3.  Îgita rîega ria kûromba,  nîrîo ûngwîragia nkoro, Nîrîo Gwe ûmenyithagia,  atî ni wîjîte na mpûî; Tontu bûû gancitharaga,  ngeta Nyombe-ne ya Baaba, Ngacemanie na antû baku,  tweteerete Mûtwonokia .

11. Jesû umwega ûmûtheru

 1.  Jesû umwega ûmûtheru, Mbigua ni mwana waku; Nînkwenda gûkwinîra, O rûkîîrî kainda. 2.  Riûa nîgwe watûma, Riume na gûtûgwîria; Kenda rîmûrîkîra, Into bionthe bia nthî îjî. 3.  Nyoni nîndî ikûgamba, O ta ndwîmbo ikwina; Nî ûgwe ûgûkumua, Nî tûmîgambo twacio. 4.  Gwe Mûrîthi wa nyoni, Ûmpe irio kinya ni; Mpa Kîrundu Ûmûtheru, Nîwe irio bia nkoro. 5.  Nteethia narua Gwe Jesû, Mpe ûmwega mwathîki; Na mantû jakwa jonthe, Mbonia nthithie bwega mma. 6.  Ningî nkîrita ngûgî, Kana ngîtindanagia; Nî nkwenda ndiikanage, Atî Gwe nûmbonaga.

12. Mûrungu Mwathi wakwa

 1.  Mûrungu Mwathi wakwa,  ni ngagûkumagia, Na nkoro ya wendo; Jesû Kristo wa mma, nîka ngûkwinîra, Na mûgambo jwakwa. 2.  Nîwe ûmpeete mwoyo  jwa kenya na kenya, Na nîmwendeete mma; Arî ndene yakwa; nani ndene yawe, Jesû arookaathwa. 3.  Jesû arî na inya  ya kûûmba Shaitani, Na gûtûkaragia; Ndî wawe, wawe mma,  tûtîathukanîkia, Jesû arookaathwa. 4.  Mûrûngu nî gîciitho,  na nî rong'o yakwa. Ntîkîrîkia mûnthû; Ka tûkaathanaga  na Jesû gûkû nthî, Nawe arookaathwa.

13. O rûkîîri twaindûkîra

 1. O rûkîîri twaindûkîra, Nitwoonaga wendo bwaku; Bwa gûtûraaria ûtukû, Mwanka tûûkîîre na inya. 2.  Kîao gîaku igîcionanagia, O ntûkû tûgîkûromba; Tûrekeri meeyia jetû, Tûkarigîîrua mogwati.   3.  O mûthenya ngûgî yetû, Nîîtuneenkagîra kaanya; Ga kwiritana kwirega, Na kûthengeera Mûrungu. 4.  Nandî Mwathani twakûûria, Twîtîkîrîkage nîgwe; O ntukû ûtûteethagie, Tûtûûre ta ûu twaromba.

14. Jesû Gwe Mûnene,

 1.  Jesû Gwe Mûnene, Tûtongagîîrie; Ndîîrîa tûkûromba, Tûkwinagîre. 2.  Ûri Ûmûtheru, Na ûri Inya; Îndî nûkuamaga, Kiumie-ne gîetu. 3.  Tûnyaganyagîte, T'ûtang'atangi; Tûkucakucie Gwe Twîje ndîîthie  -ne. 4.  Tûkaragie, Jesû, Mîthenya yonthe; Tweberie ûthûûku, Na meeyia jonthe. 5.  Rîrîa ugatwîta, Ûrî Nja Yaku, Tûgagûcookeria: "Tûri njire-ne."

15. Mwathani wa werû bunthe

  1.  Mwathani wa werû bunthe, Tuî gatwaindûkîra, Tûkwinîre na kûgwîrua, Rwîmbo rwa rûûkîîrî. 2.  Na nîtûkwinenkanîra, Nkoro o na mïïrî, Twathîke ni nteto ciaku, Mûthenya jûû junthe. 3.  Nthîgûrû îjî yûjûri, Into bibithongi, Birîa Gwe wathuranîîre, Bia gûtûtethagia. 4.  ûtwe ûmenyo bûng'ani, Na ûtûguûrîre; Ûrîa tûkoomba gûtûma, Biethua igongwana. 5.  Tûma ngũgi cietu cionthe, Ciaa cia gûkûgwiria; Twiritage o ta tûri, Metho-ne jaku, Gwe. 6.  Mathithio jetû nthîgûrû, Jathongome mono, Jatume twithuranira, Twîja gukwona Gwe.

16. Gûtî rwîmbo rûngî

 1  Gûtî rwîmbo rûngî, Rûrîa rûrî nkanya; Nthuure cia Jesû ikiina, Rûûkiri kainda. 2.  Tûma mwoyo jwaku, Kîrî tuî, Mwathani, Jûtinde jûtûkarîtie, Mûthenya juu junthe 3.  Tutîraamba kûrûa, Na magerio ja nthî, Nitûkûromba wîtikio, Kenda tûtîremwa. 4.  Tethia ngûgi cietû Ciethie kîgongwana,  Nîkenda igakumithia  Rîîtwa rîaku, Jesû 5.  Inya yetû twingwa,  Îtîgatûng'ana,  Twaromba ûtugi bwaku,  Nîrîo tûkoombana.

17. gwe Mwathani, Mûrungu

 1.  Îgwe Mwathani, Mûrungu,  Jûkia nkeethi cietû;  Tukarîtue ûtukû bûû Ni utugi bwaku. 2.  Jonthe jarĩa tukathithia,  Na jaria tukaaria  Na jarĩa tukathugania  Jatongeerue ni Gwe. 3.  Na nitûkwinenkanîra  Nkoro o na mïîrî. Nikenda tûkwathikîra,  Mûthenya juu junthe 4.  Na ti mûthenya juu junka,  Indi ntuku cionthe.  Tûtue gûkûthithagiria Jaria jaagîrîte.

18. Jehova wa kuu Betheli

  1.   Jehova wa kuu Betheli,  Niaatethiirie antũ;  Natui natuteethagia,  Na nguũ na irio. 2.  Nandi tugîîta rûgendo,  Nîtûrombe Jesû;  Ateethagie twana twetû,  Nandi mwanka kenya. 3.  Njira îrîa ikaariga,  Murungu agatwonia;  Nikenda tûtîkagie,  Na nkanja nkoro-ne. 4.  Nîbwega ûtûtongeerie,  O mwanka tûgakua;  Na nyuma ugatûriukia,  Tûtûûrage nagwe. 5.  Mantu jau nijo twaromba,  Tûkwirigirîîte;  Tontû ûri Mûtwonokia,  Nandi mwanka kenya.

19. Mûthenya jwa kuurûka

1.  Mûthenya jwa kuurûka,  Juumite kwa Jesû;  Na nkoro nigwirague  Ni ûntû bwa weru  Bûria bûthaaragîra  Antû bonthe gûkû Baria bakwinagira  Gwe Murungu kunthe. 2.  Igita ria karaja,  Rûûkiri rwa mbere;  Mûrungu atiroomba  Into bibithongi;  Weru bwawe bûraamba  Kûthaara nthigûrû Ûthongi bûroonora  Untu bwa werũ buu. 3.  Mwathani wetu Jesû,  O mûthenya ta jûũ, Aaumire mbirire-ne,  Aratûrigaria.  Murungu aaturire  O mûthenya ta jûû,  Kirundu Umutheru  Kiri nthuure ciawe 4.  O ta u kinya nandi,  Ûtethio bwa nkoro,  Buumaga kwa Murungu,  Ni untu bwa antu; Na nteto cia Wonokio  No imenyithagua  Migongo yonthe ya nthĩ  Riitwe-ne ria Jesû.  5.  Tûtharimage,  Baaba Mûrungu wetu Gwe;  Kirundu Ûmûtheru  Nagwe tuteethagie  Igwe Jesû Mwonokia  Nju kiri tuĩ ntuti  Ûtûme nkoro cietũ  Ciigua kaju gaku.

20. Nkoro yakwa ni kiûrû

 1.  Nkoro yakwa ni kiûrû Kia Mwathani Mûrungu-o-kwa  Antû njûûni tûmûkaathe Tûkaathe Riitwa riawe, tukaatheni. Tûkaatheni, tukaatheni Jesû Jesû ni Mwan-o- Mûrungu  Tûkaatheni Riitwa riawe, Tûkaatheni. 2.  Mwene-Inya ni Jesû  Niwe wooriirie nkoro cionthe  Akiambwa Mutharabe-ne  Tui twinthe twone mwoyo, ni untu bwawe. 3.  Kuromba ni kwonia Murungu,  Mobatu ja nkoro;  Wamwoonia agaguteethia, We Jesû atiremwa, gûkûthambia. 4.  Nkoro yakwa ni kiûru,  Ntikaaremwa ndi amwe nawe;  Riitwa riakwa ni riandiki,  luku-ne ria mwoyo, ni untu bwawe.

21. Nkoro yakwa gwe thengeera

  1.  Nkoro yakwa gwe thengeera,  rûriga rwa kiao Winyiîtie kîrî Jesû,  bwaranîrie nawe 2.  Shaitani ankamatithitie,  mûrigo jwa meeyia  Ndi ndûe-ne, ndina ûguaa  Mwathani mpumiria. 3.  Tontu bwa wirane bwaku,  ni nkwîja kîrî gwe  Ndina ngutugunya nkoro,  Mwathani nogokia 4.  Wee rong'o ona giciitho,  nciciithe kiri gwe  Mpûmbage kwira Shaitani,  Gwe niwankuîrîîre 5.  Wendo bwaku ni bûûnene,  Gwe niweetîkîîre, Kwambwa o Mutharabe-ne,  kenda ni mbonoka.

22. .Guti na ûntûbungirikia

  1. Guti na ûntûbungirikia,  mpe waku Gwe Jesû,  Unkuucie akui, ntîgacoke kugwa;  Nandi ndi waku, waku mma. 2. Mwago jwa nthĩ îjî jûtî bata,  juthiraga ntuti,  Kinya ndoona mookĩa,  ngîceria Mwathani;  Mwago jwawe jutîthira.m 3.  Nandi uguaa ona nkanja,  nîbithirîte b❜ru,  Tontu Jesû ûrî,  nkoro yakwa ndene;  Ntiguaîkua ni Shaitani. 4.  Ntikwenda untũ bũngirikia,  tûtûŭranie nagwe,  Kiri anene bonthe,  nogwe urï inya;  Ndienda kwathwa nigwe, Jesû.

23. Mpa maguta tawa yakwa yakanage

 1.  Mpa maguta tawa yakwa yakanage,  Ndakuromba mpa maguta tawe-ne;  Mpa maguta tawa yakwa yaka ge  Yakanage magiita jonthe. Twine Hozana Twine Hozana Niwe  Mûnene ûria Mûnene Twine Hozana Twine Hozana  Twinireni Mûnene. 2.  Mpa thiiri nkoro-ne nogokage  Ndakŭromba ûmpe thîîrî nkoro-ne;  Umpe thîîri nkoro-ne nogokage  Nogokage magiita jonthe. 3.  Mpa kûgwirua nkoro-ne nkûgoongage  Ndakuromba mpa kugwirua nkoro-ne  Mpa kûgwirua nkoro-ne nkûgoongage  Nkugoongage magiita jonthe. 4.   Mpa wendo nkoro-ne mpendanage  Ndakûromba mpa wendo nkoro-ne  Mpa wendo nkoro-ne mpendanage  Mpendanage magiita jonthe. 5.  Mbika Mûtharabe-ne mbunîkange  Ndakuromba mbîka mutharabe-ne  Mbika mûtharabe-ne mbunikange  Mbunikage magiita jonthe. 6.  Mbîtanagie nagwe ûnditanage,  Ndakuromba ndiûnganagie nagwe;  Mbîtanagie nagwe ûnditanage,  Nditanaga magiita jonthe.

24. liga rîa kenya, Jesû

 1.  liga rîa kenya, Jesû  Ngaciitha ndene yaku;  Rûûji o na tharike. Birîa Gwe wetûûrire; Binthambie nkoro yakwa, Kenda mbona wonokio. 2.  Ngûgî cia njara ciakwa, Itîmbagîrithagia,  Wîru bwakwa bûûnene; O amwe na methori,  Bitîkathiria meeyia, No Gwe ûkambonokia. 3.  Gûtî gîntû ncigwetie, No Mûtharaba ngûkaîra;  Ndî kîthûnû, mbîkîra, Rwambambio rwaku 'rwega,  Nthambia mbere ntîrakua, Kithime-ne  kîa mwoyo. 4.   Ntukû ciakwa cia mwoyo, Ikathira nani nkue;  Ndîîrîa nkeeja Igûrû, Ngakwona rûrige-ne;  Ûkîgambîra eeyia, Nciithe rwaru-ne rwaku.

25. Îgwe Jesû, Mûkiri

 1.  Îgwe Jesû, Mûkiri, Ndaithîîria ndî gakenke  Nthaathaaga ntî na ûûme, Ndeka mbîje kîrî Gwe. 2.  Ndenda kuretwa gwaku, Itû, ûkandîgîîria, Ûmpe gakuumbo kamwe, Ntûûra yaku înene. 3.  Nditanaga, Mwathani, Ncing'uananagie na Gwe  Wari ûmûbooreru, Riria wari gakenke. 4.  Gwe nîwaitîjîrîte Ûtaciathaga gwengwa;  Wathithagia  o jaria,  Jeendagwa nî Abagu. 5.   Jesû, Gwe ûmpendete, Ndî miangate-ne yaku; Tonya nkoro-ne yakwa, Ûtûme nkara ja Gwe 6.  Ngagûkumithagia Gwe, Matukû jonthe jakwa;  Kîrîndî kîonthe kia nthi, Gîkwone ndene yakwa.

26. Jesû tûkwija gûkwiinira

  1.  Jesû tûkwija gûkwiinira, Kinya turi baakai;  Na tontu nogwe Mûnene. Ûtûthikire nandi  Nagwe nûtûthikagîîra, Antûbonthe ni baku!  Nandi tweja gûkûromba, Twitikire Mwathani. 2.  Twikire wendo nkoro-ne, Kenda tûkwendage mma; Tûthûrithie uthuku bunthe. Meeyia na uremi bwetu, Ûtwigirue kiao Jesû; Twonie njira ya gwaku, Mûtûteethia wa Îgûru, Ûu nîu twaromba.

27. Jesû tûtharime

 1.  Jesû tûtharime Tûkiromba nandi  Tûma igita rîrî Rie riritheru. 2.  Twee Kirundu waku, Nkoro cietû ndene; Kenda atweeberia, Watho bwa shaitani. 3.   Ûtwejage inya Twîtîte na njira Îrîa  îgatûkinyia Gwaku kûrîa  kwega  4.  Tweejage ûkiri, Nkoro cietu ndene;  Ûtûme antu bone, Tûrî aana baku.

28. Jesû, Mwendi wa nkoro

 1.  Jesû, Mwendi wa nkoro Nkamatûka kiri Gwe.  Tontu bwa kibubani O na mbura înene.  Uri Mwonokia wakwa. Ngacioa ndene yaku;  Ûntongeerie ûmpanie, Ntuura iti miruru. 2.  Kimatûko giakwa, Gwe Ogantiga yoru-ne  Nti na mûtethia ungi, Ngwata na njara yaku.  Wirigiriro bwakwa Bûria bûmbigikaga:  Thîîkaga mûtwe jwakwa Na mathagu ja wendo. 3.  Jonthe jaria mpendaga Joonoraga kiri Gwe; Mobatu jakwa jonthe, Nîjathiragua ni Gwe.  Mincûria atumumu Na worie ndwari cionthe:  Barîa bakunyamaara Mwathani ubateethie.  4. Wendo, wega na klao Giaku kiebagia meeyia;  Wendo bwaku bûûnene, Bûndekere kinya ni. Nkanyontorwa nî rûûji, Rwa kithima kia mwoyo;  Rûûjûrie nkoro yakwa, Mwoyo jwa gûntûŭragia.

29. Ndaciarwa no mbîagia

  1.  Ndaciarwa no mbîagia  ndîkwirira nandî Ndienda ncoke  kwiganua na Mûrungu  Baaba wakwa,  ndeka mbîje kîrî Gwe. 2.   Mwana wakwa wairira  nani ngakwambîîria, Tiga kûrîra  na nîngûkwonokia; Ntîtekia muntû  wijite kirini. 3.   Wiriri nî bwega ta bwa  mwîtia mbia cia ûgoti, Wairingire  kîbara akiugaga; "Ndî muntũ-o-meyia  Mwathani ndekera". 4.  Gwirueni ni bwiriri  kiewa Igûrû.  Tontu Jesû niaugire  atiraitia;  "Ndigwitia kwa Baaba  na no ngacoka".

30. Mwonokia, tontu gwe niûmpendete

 1.  Mwonokia, tontu gwe niûmpendete,  Ninkwenda ungwate njara yakwa;  Ntiiji njira na inya ntînayo. Ntiumbikia guciîtithia ndi ninka.  (Ntiumbikia, ntiumbikia,  Ntiumbikia guciîtithia ndi ninka  Ntiiji njira na inya ntinayo  Ntiumbikia guciitithia ndi ninka.) 2.  Ungwate njara nandi na ntîmakîkua.  Ni bwega nkarage amwe nagwe;  Wirigiiro na kugwirua gwakwa,  Kenda ntîkarîtigane nagwe. (Ntîkarîtigane. Kenda ntîkarîtigane nagwe.  Wirigiro na kugwirua gwakwa.  Kenda ntîkarîtigane nagwe.) 3.  Ungwate njara nandi na unthaarire.  Tontu muundu ijûtumeene mono:  Ndetikia no mbonage mwago jwaku Mbinage ndwimbo ngwîrîtue mono.  (Mbinage. Mbinage. Mbinage ndwimbo ngwiritue mono.  Ndeetikia no mbonage mwago jwaku.  Mbinage ndwimbo ngwiritue mono.) 4.  Ungwate njara, na riria ngakinya.  Muuro jûria waunire karaja: Ngakûrûka nthigûru Inthongi mono,  Ngatûûre nagwe kenya na kenya. (Ngatû...

31. Mûmbonokia wakwa

  1. Mûmbonokia wakwa,  ninkwiraîîtie mma,  Mûntangiri Mbigua, ngikuromba,  theria meyia jakwa,  Mpe waku Gwe gwenka,  kuuma narua. 2.   Reka wega bwaku  bumbîkîre inya, nkoro ndene, Nigwe wankuiriîre,  tûma wendo bwaku Bwankane ta  mwanki ndene yakwa 3.  Mûgundu jwa nthi iji,  ni jûtumene mma Gwe Mûrungu Ntongeeria,  Mwathani, nkuthingatage Gwe, Ntikaritigane nagwe o-rî. 4.  Kenda ndita ngûgî iria ûmpeete nthî,  ngûkumithie  Rîrîa nkamîthiria,  ûmbikie Igûrû.  Tugatûûre nagwe mwanka kenya.

32. Mwathani araambijîrîte,

 1.  Mwathani araambijîrîte, Akiendaga nkanogoke; Ndireethirwa ndigiceene  Nî ûntûbwa irema bia nkoro Wui! Wui! ndithithia atia Tontûnandi kandatigwa ? Na nini uria waciìraga, Ati nini-ngatoongeria 2.   Ntwire nciatîte ikeno Bia nthi iji igita iraaja; Mbetereete bia Igûrû, Nandi bikumbutatîra. 3.  Ndacîîraga ni tûnini Ati ta tûtû  atiûragia; Anga na mma nîtu tûtu, Twamberekeeria mwanki-ne. 4.  Nî ntîî kana ni baaba Kana nî mûcore wakwa; Ngwîta nawe akamwerence, Etîkîre gûmpambîîria. 5.  Nî atîa ndatigwa ja mûkîa. Na mbijî ûthûmba bwakwa: Kuuma rîrîa wambîtire. Gûtîrio ndacoka nyuma.

33. Mwathani na werû

 1.  Mwathani na werû  bwaku bwega ûntongeerie, Kûrî muundu nani  ndi kûraja untongeerie: Mwathani gwata makinya jakwa, Nî ndenda kwona kûraja mbonia. 2.  Ntaiji kana nibwega  kûromba ûntûbûbû, Ni ndeendaga kwimenyithia  njira na nkaithûkia; Ndeendaga miago ya nthigûrû iji, Ûremi bûbûibûnthûkîtie mma. 3.  Nandi Mwathani wakwa  ndekera jau jonthe, Miaka iu yonthe ya  uremi bwakwa nî îthirïte: Nandi ndakûromba întongeerie, Na jaria mega ûmenyithagic. 4.  Kinya nandi nî ngwiritue  mono ni kiao giaku, Tontu ûkambitithagia  na njira na werûbûû; Na ntukû ya mûthia ni ngakwona, Mwathani wakwa na nkwende mono.

34. Mwathani, nîmbigagua

 1.  Mwathani, nîmbigagua  atî bangî bakûtharimwa, Ndakûromba ûntharime  na kitharimo gĩaku; Kinya ni, kinya ni,  ûntharime kinya ni. 2.  Baaba wetu, ûgantiiga,  tontû ni nina inya, Îndî ûmbîkîre inya  ntuïke mwana waku mma; Kinya ni, kinya ni,  ûntharime kinya ni. 3.  Jesû nîgwe Mwonokia  wa barĩa bakwiraîtie, Antû eeyia nîbeendetwe  kinya ni nûmpendeete; Kinya ni, kinya ni,  ûntharime kinya ni. 4.  Nteethia Kîrundu Ûmûtheru,  ntiige ûmaramari, Werû bwaku ni nkûbwenda,  bwîje kîri ni nandî; Kinya ni, kinya ni,  ûntharime kinya ni. 5.  Nthambia Jesû nkoro  yakwa na tharike îu yaku, Na ûmbûjûrie, Mwathani,  na ûbooreru bwaku; Kinya ni, kinya ni,  ûntharime kinya ni.  6.  Mwathani ûkoroontiga  tontû gangûkwerenca, Nînkwenda ûntharimage  na îtharimo bîaku; Kinya ni, kinya ni,  ûntharime kinya ni. 7.  Mwathani ûkoroontiga  tontû gangûkwerenca, Nînkwenda...